БИДНИЙ ТҮҮХ
Монгол орныхоо нийгэм, эдийн засагт хувь нэмрээ оруулах мэргэжилтэн бэлтгэх зорилготойгоор анх 1924 оны 6-р сард 6 багштай 1 хичээлийн байртай "Гаалийн түр сургууль" нэртэйгээр байгуулагдаж, бүртгэл, гаалийн мэргэжилтэй боловсон хүчин бэлтгэж эхэлсэн. Эдүгээ СЭЗИС 100 дах хичээлийн жилдээ 38 чиглэлээр мэргэжилтэн бэлтгэж, 300 гаруй багш ажилтан, 6000 гаруй оюутан, суралцагчтай өнөр хамт олонтой болжээ. Улс орныхоо хөгжлийн хэрэгцээ шаардлагын дагуу нягтлан бодох бүртгэл, банк, санхүү, татвар, даатгалын тогтолцоог буй болгож хөгжүүлэх явцдаа 1935 онд Санхүү, нягтлан бодох техникумын сургууль, 1946 онд Санхүү эдийн засгийн техникум, 1991 онд Эдийн засгийн коллеж, 1996 Санхүү эдийн засгийн дээд сургууль, 2016 онд Санхүү эдийн засгийн их сургууль нэртэйгээр өргөжин шинэчлэгдэж хөгжжээ.
Бид өнөөдөр олон улсад хүлээн зөвшөөрөгдсөн, нэр хүндтэй их сургууль болж, чанартай боловсролыг олгосоор байна. 2022 онд НҮБ-ийн Тогтвортой хөгжлийн зорилтыг хэрэгжүүлэгч, нийгмийн хариуцлагатай олон улсын их, дээд сургуулиудыг үнэлдэг Times higher education байгууллагын жагсаалтад Монгол улсаас анх удаа эхний 1000-д багтсан. АНУ-ын Бизнесийн сургууль, сургалтын хөтөлбөрийн магадлан итгэмжлэлийн ACBSP байгууллагаар 2032 он хүртэл ахисан түвшний магадлан итгэмжлэлээ дахин баталгаажуулсан анхны их сургууль болсон.
1926
Сурах хугацааг 2 жилээр сунгаснаар заах хичээл, сурагчдын тоог олшруулан, сургалтын төлөвлөгөө, програмыг шинэчилсэн ба сургуулийн нэрийг ‘НЯГТЛАН БОДОХЫН ТҮР СУРГУУЛЬ" болгон өөрчлөв
1936
Сангийн сайд С.Довчингийн нэрэмжит сургууль болсон.
1946
Санхүүгийн техникумыг 3 жилээр суралцахаар хугацааг уртасган "САНХҮҮ ЭДИЙН ЗАСГИЙН ТЕХНИКУМ" болгожээ
1956
- Хичээлийн 3 давхар төв байрыг ашиглалтад оруулжээ.
- Улс ардын аж ахуй төлөвлөгөө, тоо бүртгэлийн мэргэжлийн анги нээгдэв.
1962
- 3-р курс төгсөгчдийг 1 жилийн хугацаатай ажиллуулан дадлагажуулан улсын шалгалт өгүүлж төгсгөдөг болов
- Сурагчдын дотуур байр ашиглалтад оров.
1965
Бүртгэл, механикжуулах кабинет нь Статистикийн төв газрын тооцоолон бодох төвтэй нэгджээ.
1972
- 10-р анги төгсөгчдийг элсүүлж, суралцах хугацааг 2 жил болгов.
- Д.Сүхбаатарын нэрэмжит стипенд олгож эхлэв.
1976
Багш нарыг 3 жил тутам аттестатчилах болжээ.
1986
Боловсролын болон Соёлын тэргүүний ажилтан Давийнямын Төмөрхүү багшийн санаачилгаар Улаан Сарнай цэнгээнт бүжгийн хамтлаг байгуулагдав.
1992
Нягтлан бодох бүртгэл, Банк, Санхүү, Бизнес судлал, Мэдээлэл зүй, Гадаад хэлний тэнхим байгуулагдав.
1995
Коллежийн дуулал, уриа, бэлгэ тэмдэгтэй болжээ.
1997-10-01
Менежментийн гэрээгээр нийгэмд үйлчилдэг, ашгийн төлөө бус ТББ-ийн хэлбэрээр ажиллаж эхлэв.
2000
Олон улсын хамтарсан магистрын хөтөлбөр нээгдэв.
2007-10-01
Хичээлийн шинэ байр ашиглалтад оров.
2011
Удирдлагын мэдээллийн систем ашиглалтад оров.
2012
- Олон улсын ACBSP байгууллагаар Монгол улсаас анх удаа хөтөлбөрүүдээ магадлан итгэмжлүүлэв.
- Олон улсын нягтлан бодох бүртгэл, санхүүгийн мэргэшсэн сургууль/ОУНББСМ/-ийг байгуулжээ.
2015
Монголд анх удаа цахим, холимог сургалтыг нэвтрүүллээ
2018
- Олон улсын ACCA, CGMA байгууллагын 1-р түвшинг хангаж магадлан итгэмжлэгдэв
- Оюуны өмчийн хулгайн эсрэг дэлхийн шилдэг системийг нэвтрүүлэв.
2020
- Олон улсын клоуд технологийг амжилттай нэвтрүүлсэн улсдаа жишиг болов.
- Олон улсын ACCA байгууллагын 2-р түвшинг хангаж магадлан итгэмжлэгдэв.
2023
ACBSP-р 2032 он хүртэл ахисан түвшинд магадлагдан итгэмжлэгдэв.
1924
Манай сургууль анх 1924 оны 6-р сард ‘ГААЛИЙН ТҮР СУРГУУЛЬ’ нэртэйгээр байгуулагджээ.
1935
Улс ардын аж ахуйн бүтэц өөрчлөгдөн, шинэ шинэ салбарууд бий болсон нь бүртгэл тооцооны мэргэжилтэй боловсон хүчнийг улам ихээр шаардах болсоноор "САНХҮҮГИЙН ТЕХНИКУМ" болжээ
1949
- Санхүү эдийн засгийн техникумыг “ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР” шагнав
- Нягтлан бодохын үндэс хичээлийн анхны сурах бичиг хэвлэгдэв.
1954
1953 оны 9-р сараас эхлэн 7 жилийн боловсролтой иргэдийг элсүүлэн, сар бүр 200-250 төгрөгийн тэтгэлэгтэйгээр суралцуулах болсон.
1961
Биеийн тамирын танхим ашиглалтад оров.
1963
- Бүртгэл, механикжуулах кабинет байгуулагдав.
- Тээврийн нягтлан бодохын анги нээгдэв.
1971
Хөдөө аж ахуйн нягтлан бодохын эчнээ анги нээгдэв.
1975
- Хяналт, шалгалтын үндсэн анги нээгджээ.
- Оюутан, сурагчдын хөдөлмөрийн гавшгай отряд байгуулагдав.
1984
Нийтийн аж ахуйн үйлчилгээний нягтлан бодохын анги нээгдэв.
1991
- Эдийн засгийн коллеж байгуулагдаж, захирлаар Р.Амаржаргал томилогдов.
- Шинэ багш, оюутнууд тангараг өргөдөг болов.
1994-01-15
- Дээд боловсрол олгодог коллежийн түвшинг хангав.
- 1,5 жилээр дээд курс нэртэй сургалт явуулж эхлэв.
1996-08-16
Эдийн засгийн коллежийг “САНХҮҮ ЭДИЙН ЗАСГИЙН ДЭЭД СУРГУУЛЬ” болгож өөрчлөв.
1999
Шилдэг оюутанд “ Санхүү эдийн засгийн дээд сургуулийн нэрэмжит шагнал” олгож эхэлсэн.
2008
Байгууллага болон бүх хөтөлбөрүүд үндэсний хэмжээнд магадлан итгэмжлэв
2009
- EBSCO цогц цахим мэдээллийн санг ашиглаж эхэлсэн.
- Докторын хөтөлбөр байгуулагдав.
2013
СЭЗДС-ийн дэргэд цэцэрлэг, бага сургууль байгуулав.
2016
СЭЗДС статусаа өөрчилж “Санхүү Эдийн Засгийн Их Сургууль” болов.
2019
- Блокчэйнээр баталгаажсан диплом олгож эхлэв
- Салбар дундын судлалын тэнхимийг байгуулав
2021
- СЭЗИС-ийн 2021-2031 стратеги батлагдав.
- Даатгал, Худалдаа, Төрийн удирдлага, Бизнес ба эрх зүйн хөтөлбөр нээв.
2022
- Олон улсын THE жагсаалтад Монгол улсаас анх удаа эрэмбэлэгдэв.
- Олон улсын CGMA мэргэжлийн зэргийн дипломтой төгсөх боломжтой болов.
2024
100 жилийн түүхт ой
2031
Олон улсын жишигт нийцсэн дижитал, энтрепренер их сургууль болсон байна.
